Missiés Bhadain ek missié Chutoo fine bien profite lor la misère ti dimoune. Zotte fine faire moi faire ene fausse affidavit. Azordi zot pe réessaye profite de mo faiblesse. Mais sa fois la, mo pe montré zot vrai couler. Mo la force li apelle PAROLES LA VERITE. Mo pa pou kilé sa fois la. Ala 30 points ki mo pé mette en avant pou ki piblik koné ki fine arrivé et ki pé arivé.
- Ena ene notice ki missié avoué Preetam Chuttoo fine fer faire et sa pé circulé dans publik.
- Apres ki mo fine prend connaissance so contenu, mo dan lobligation faire kone mo version, ene version ki la police déjà au courant.
- Premierement, missié avoué Preetam Chuttoo pe dire ki missié avocat Yousouf Mohamed ti mo avocat. Completement fosse.
- Mo ti fek sorti depuis casso. Larzan pa ti ena pou manzé, kot mo pou capave paye ene grand avocat couma missié Yousouf Mohamed. Ti pé bizin rodé ki branche pou trapé.
- Ni missié Yousouf Mohamed ti mo avocat, ni li ti dire moi al guet missié avoué Preetam Chuttoo.
- Mo ti zoine missié avoué Preetam Chuttoo la veille avant nu ti fer affidavit derrière Apollo.
- Couma mo ti zouene li ? Sa kestion la ki bizin pozé.
- Li ti vine guette moi avec Missié Greedharry ki mo koné. Zot ti vine dans ene BMW. Li ti chauffeur. Li ti passe pou ene lot nom. Lamem ki ti tombe d’accord ki pou dire dan sa fosse affidavit ki mo pou ale jurer le lendemain.
- Cot mo pu konné kisanla proprietaire BMW la ? Ou koné kisanela proprietaire taxi ki ou finne voyager la ou? Letan guetté li même Preetam Chuttoo la ki ti chauffeur.
- Ler mo ale guet li dan so biro et mo madam ti assize dehors, mo dire li ou mem mo ti joine et li paraitre embarassé. Apres limem fine dire moi ki bisin ale jure sa fausse allegations contre ban policiers. Ki zot ti batte moi et zot ti menace moi et ki fini mette sa dan affidavit pou disculper missié Bhadain ek missié Greedharry et bizin ale jurer vite la. Sa lépok la, mo fek sorti dans prison et mo ti pé bizin aide pou ale la cour apré et pou aide mo fami aussi. Mo pa ti reste longtemps dan so biro et nou finne ale ansam pou jure affidavit. Dans 10minutes li kpaz faire ene longue affidavit kume sa????. Li ti fini prepare tout avant mem mo rentrer dan so biro.
- Kuma li possible ki la police fine batte moi ou menace moi quand tout au long depi mo premier statement, ti ena ene Avocat junior de Uteem chambers ki appelle Juneid Khodabaccus ki ti accompagne moi pendant mo statement à la police.
- Juneid Khodabaccus, c’est ene avocat ki Uteem Chambers ti donne mo mama gratis pou aide moi.
- Quand mo fine faire sa fausse affidavit la, Juneid Khodabaccus ti en colère et li ti arrête représente moi dans case la.
- Missié Uteem oussi ti bien en colère. Mo dimane Uteem Chambers éclairci la justice ladan.
- Aster ki missié Preetam Chuttoo pe vine kozé ? Siposé officier la cour fine mette pression ou pas lor moi.
- Mo fine fini dire ki mo ti fini dakor ek li et missié Greedharry ek Badhain pour jure ene fausse affidavit.
- Missié officier la cour pa konne nanrien ladan li. Officier la cour la ti interprete sa affidavit la ek moi et mo fine jure sa.
- Missier Chuttoo ti laba li aussi. Apré ki fini jure affidavit la, nou ti retourne ansam dan so biro et li ti mette affidavit la dan 3 lenveloppes et li dire moi ale poster.
- Kotte mo konne laddresse DPP ek Commissaire Police ek enqueteurs moi ? Limem finne écrire zotte laddresse lor chaque lenveloppe et moi mo finne ale posté.
- Aster li pe fer croire ki siposé mo fine paye li. Mo ti deja dan la peine, fek sorti lor caution mo péna casse.
- Pou ki raison mo ti bizin ale rode larzan pou paye avoué pou disculpé missié Greedharry ek missier Badhain ? Ou trouve ena lozic ladan ? Mo bizin payé pou tire Missié Greedharry ek Badhain dan case la ? Coume sa pran ti Créol pou couyon ?
- Li pé paret ki missié Chuttoo fine fer fausse ressi lor mo nom. Zamé mo fine paye li.
- Li fine servi sa bane fausse documents et fausse ressi la devant la police. Aster MRA bizin assize ek li et réklame li sa VAT mo ti sipposé finne paye li la.
- Mo redire, mo fine presente mo excuse a Dieu pou seki mo fine fer. Oui, mo ti dakor pou jure sa fausse affidavit la et mo fine accepté mo faute la cour.
- En echange, Missié Badhain ti siposé tire moi ansam ek li oussi dan case la.
- Soidizan quand li pou sorti, li pou avoye la corde pou mo grimper. Ler getter la corde pendi ki li mette dan mo licou. Li ti pé servi moi ziste pou tire li et coule moi ankor plis dan trou. Ala ki fer prison rempli avec ti créoles kuma moi.
- Mo fine comprend zordi ki dan la fausseté, dan mensonge, dan fabrication, dan chemin le mal, PENA PROFIT. Mo dimane missié Badhain et tous dimounes dan sa case la koze la vérité et bondié pou pardonne zotte.
- La vérité dans ce ki pé raconté par Missié Chuttoo ek Badhain, la vérité la trouve dan statements ki mo ti donne la polis quand mo ti dan prison en présence mo avocat Junied Khodabaccus. Missier Khodabaccus témoin ki la polis pa ti batte moi.
- Anou coze missié avocat Shezad Mungroo aster. Li ti avec moi dans case la. Après ki li vine Avengers, zotte tire li depuis mo case. Aster li ale represente missié Bhadain contre moi. Ala ki sort réservé à bane ti Créoles.
- Est-ce ki mo ex avocat Shezad Mungroo ti gagne droit retire li dan mo case ek ale faire avocat Badhain lotte koté ? Dan ene match football eski premier mitemps ou gagne droit pike goal pou ene lékip et deuxième mitemps, ou pike goal pou adversaire ?
